Afroj khwaja:-आम आदमी पार्टी के प्रदेश अध्यक्ष कोमल हुपेण्डी ने मुख्यमंत्री भूपेश बघेल को छत्तीसगढ़ी भाषा में लिखा पत्र

Ayan News: आदरनीय सिरी भूपेस बघेल जी,
मुख्यमंत्री छ0ग0सासन
जय जोहार
अपन जनम ले अठारा बच्छर म ल इका ह जवान हो जाथे, ए हिसाब ले गुनन त हमर छत्तीसगढ़ राज
ह ओन्नाइस बच्छर के चेलिक हो गेहे।
तभोले आज छत्तीसगढ़ के जवान भाई
बहिनी मन काम बूता, रोजगार खातिर
ये दफ्तर ले ओ दफ्तर म भटकत हें।
सरकारी आंकड़ा ल देखन त रोजगार
दफ्तर मन म साढे़ तेइस लाख बेरोजगार पंजीकृत हें। रोजगार न इहे जेकर कारन राज के लाखों नवजवान
बेरोजगारी के दंस ल झेलत हें। छत्तीसगढ़िया मुख्यमंत्री अपन राज के
नवजवान मन के दुख पीरा ल समझही
, अइसे सोंच के चिट्ठी ल आप ल पठोवत हौं।
ये चिट्ठी ह केवल कोमल हुपेंडी के नोहे भलकि छत्तीसगढ़ के जम्मो बेरोजगार भाई बहिनी मन के आय।
विधान सभा चुनाव के बेरा आप के जन घोसना पाती के सुरता देवावत मैं आपसे बिनती करत हौं। जम्मो नवजवान बेरोजगार भाई बहिनी मन के संग नियाय करव, ताकि घर घर रोजगार-हर घर रोजगार के आपके संकलप पूरा हो सकय, संगे संग हमर छत्तीसगढ़ के बेरोजगार नवजवान अउ लाखों गरीब परिवार के सुख समरिधि के रस्ता खुलय। छत्तीसगढ़ राज, देस के नक्सा म अपन अलग पहिचान बना सकय।